Москваҕа сэтинньи 12 күнүгэр «Россия» быыстапка-форумугар куонкуруһу киэҥ эйгэ дьүүлүгэр таһаарыахтара.
Ол курдук, куонкурус дирекцията ИТ-идэ сайдыытын, ыытыллыбыт өрөспүүбүлүкэтээҕи түһүмэхтэри, итиэннэ түмүктүүр түһүмэххэ былааннарын үллэстиэхтэрэ.
«Моя профессия – ИТ» өрөспүүбүлүкэҕэ 2016 сылтан ыытыллар, бу кэм устата үөрэнээччилэргэ уонна ИТ-эйгэ устудьуоннарыгар идэҕэ туһаайыылаах бырайыактартан саамай улахан кээмэйдээхтэрэ буолар.
Куонкуруһу дойду бырабыыталыстыбатын бэрэссэдээтэлэ Михаил Мишустин өйөөтө уонна быйылгыттан федеральнай таһымҥа таҕыста. Бу сылга бастакытын Россия тоҕус куоратыгар ыытыллар, итиэннэ дойду бүттүүнүттэн 25 тыһыынчаттан тахса кыттааччыны хабары былаанныыр.
Регионнааҕы түһүмэххэ кыайбыттар Москваҕа түмүктүүр түһүмэххэ путевка ылыахтара, бириис уопсай пуондата биэс мөлүйүөн солкуобайга тэҥ.
Санатан эттэххэ, норуоттар икки ардыларынааҕы «Россия» быыстапка-форум бэрэсидьиэн Владимир Путин соруйуутунан сэтинньи 4-тэн 2024 сыл муус устар 12 күнүгэр диэри ыытыллар. Тэрээһиҥҥэ дойду суолталаах ситиһиилэрин уонна регионнар сайдыыга үтүө уопуттарын билиһиннэриэхтэрэ.
