«Долгуйан туран биир дойдулаахпытын Александр Гаврильевич Колесовы көрүстүбүт. Кини курдук дойдутугар бэриниилээх, хорсун дьон баар буоллахтарына инникибит этэҥҥэ буолуо диэн эрэнэбин», — диэн СӨ бырабыыталыстыбатын уонна СӨ баһылыгын дьаһалтатын салайааччыта Георгий Михайлов эттэ.
Александр Колесов улахан эппиэтинэстээҕин уонна киэн туттарын эттэ.
«Биһигиттэн элбэх киһи Ийэ дойдуну салгыы көмүскүүллэр, ытык иэстэрин төлүүллэр», — диэн эттэ.
Байыастар ааттарыттан Александр Ил Дархаҥҥа, СӨ биир кэлим киинигэр уонна үтүөнү оҥорор Саха сирин олохтоохторугар махталын эттэ.
Санатан эттэххэ, Александр Колесов хорсун уонна дьоруой быһыытын иһин «Россия дьоруойа» бэлиэ аатынан наҕараадаламмыта. Кини СВО-ҕа 50 киһини быыһаабыт уонна өстөөх тиэхиньикэтин алдьаппыт.
