Бүгүн Пекиҥҥа 2026 сыллааҕы Кыһыҥҥы Олимпийскай оонньууларга сүүмэрдиир турнир түмүктэннэ. Фигурнай хаҥкылааһыҥҥа бүтэһик Олимпиада путевкаларын эр дьоҥҥо оонньоттулар.
Эр дьоҥҥо турнир кыайыылааҕынан нейтральнай статустаах Россия спортсмена Петр Гуменник буолла. Икки күрэхтэһии күнүн түмүгүнэн Петр 262,82 баалы ылла, утарсааччыларын 30-ча баалынан хаалларда.
Эрдэ дьахталларга сүүмэрдиир турнирга Россияттан Аделия Петросян (нейтральнай статустаах) кыайыыны ситиспитэ.
Олимпиадаҕа квалификационнай турнир Пекиҥҥэ балаҕан ыйын 19-21 күннэригэр ыытылынна. Россияҕа нейтральнай статустаах хас биирдии көрүҥҥэ биирдии квотаны көрбүттэрэ. Россияттан Петросян уонна Гуменник кыттыбыттара. Спортивнай паара уонна үҥкүү дуэттара курдук көрүҥнэргэ Россияны киллэрбэтэхтэрэ.
Хаартыска: ТАСС
