Россия спортсмена Анна Щербакова Гренобль куоракка фигурнай хаҥкылааһын Гран-при түһүмэҕэр кыайда. Бу туһунан ТАСС иһитиннэрэр.
Икки бырагырааматын суумата 229,69 балга тэҥнэстэ (77,94+151,75).
Россия фигуристката Алена Косторная иккис миэстэ буолла (221,85; 76,44+145,41), үһүс — Вакаба Хигути (204,91; 63,87+141,04). Ксения Синицына төрдүс миэстэҕэ тигистэ (198,76; 69,89+128,87).
Санатан эттэххэ, эрдэ Анна Щербакова Туриҥҥа Гран-при түһүмэҕэр кыайбыта. 17-лээх спортсменка аан дойду чемпиона (2021), Европа чемпионатын үрүҥ көмүс призера (2020), Гран-при түмүктүүр түһүмэҕин үрүҥ көмүс призера (2019) уонна Россия үс төгүллээх чемпиона (2019, 2020, 2021).
Гран-при аныгыс түһүмэҕэ Сочи куоракка сэтинньи 26-28 күннэригэр буолуоҕа, ол кэнниттэн түмүктүүр түһүмэххэ кыттар спортменнар биллиэхтэрэ.
Биирдиилээн хаҥкылааһыҥҥа финалга киирэр иһин Камила Валиева, Елизавета Туктамышева, Майя Хромых уонна Алена Косторная күрэхтэһиэхтэрэ. Гран-при түмүктүүр түһүмэҕэ ахсынньы 9-12 күннэригэр Осака куоракка ыытыллыаҕа.
