Баскыһыанньаҕа «Россия» быыстапка-форум ыалдьыттара ВДНХ-ҕа Саха Өрөспүүбүлүкэтин култууратын уонна төрүт үгэстэрин билистилэр. «Роснефть» павильонугар Саха сирин күнэ ыытылынна.
Тэрээһин үөрүүлээх аһыллыытыгар «Роснефть» бэрэстэбиитэллэрэ уонна СӨ Бырабыыталыстыбатын бэрэссэдээтэлэ Кирилл Бычков кыттыыны ыллылар. Регион бэрэссэдээтэлэ хампаанньа өрөспүүбүлүкэ бырамыысыланнас уонна социальнай-экономическай хайысхаларын сайыннарыыга сүҥкэн оруоллааҕын бэлиэтээтэ.
«»Роснефть» хампаанньа өрөспүүбүлүкэ биир эрэллээх партнера буолар. Өрөспүүбүлүкэ ньиэби хостооһуҥҥа инники күөҥҥэ сылдьарын учуоттуур. Хампаанньа бырамыысыланнастан ураты регион социальнай олоҕор көхтөөхтүк кыттар. Хампаанньа эппиэтинэстээх сыһыана убаастабылы эрэйэр», − диэн Кирилл Бычков эттэ.
«Россия» норуоттар икки ардыларынааҕы быыстапка-форум дойду бэрэсидьиэнэ Владимир Путин соруйуутунан ыытыллар.
