Аллараа Бэстээххэ «Парус» спорт комплексыгар Россия икки төгүллээх чемпиона Станислав Свинобоев уонна кини тренерэ Василий Уваров пресс-конференция биэрдилэр.
Дагестан өрөспүүбүлүкэтэ — Аан дойду көҥүл тустуута муҥутаан сайдыбыт сирэ. Маныаха саамай элбэх кыттааччылаах 70 киилэ ыйааһыҥҥа Станислав Свинобоев иккис төгүлүн кыайан чемпион буоларын өссө төгүл дакаастаата.
«Эдэр бөҕөспүт хас биирдии хапсыһыытын чочуйан, кыайыыга дьулуурун көрдөрдө», — диэн тренерэ Василий Уваров иһитиннэрдэ. Пресс-конференция кыттааччылара спортсмеҥҥа уонна кини тренеригэр ыйытыылары биэрдилэр.
Ол кэннэ Станислав Свинобоев оҕолорго көҥүл тустуу хапсыһыыларын араас албастарын көрдөрөн маастар-кылаас ыытта.
