От ыйын 18 күнүнээҕи туругунан СӨ Экология, айылҕаны туһаныы уонна ойуур хаһаайыстыбатын министиэристибэтин үлэһиттэрэ 2024 сыл саҕаланыаҕыттан ыла ойуур баһаардарыттан сэрэтиигэ тыалары 2,8 тыһ. тахса рейда оҥорбуттар.
СӨ экологияҕа министиэристибэтин көрдөрүүтүнэн, сыл саҕаланыаҕыттан ойуурга баһаартан куттала суох буолуу быраабылатын 116-та кэспиттэрэ бэлиэтэннэ, манна административнай быраабы кэһиигэ (КоАП 8.32 ыст.) эппиэтинэскэ тардыллаллар. 1 мөл. 210 тыһ. солк. суумалаах 8 ыстыраап суруллубут.
Быйыл Саха сиригэр ойуур баһаарын ыытыыга 14 буруйдаах баара билиннэ: Намҥа — үс, Аммаҕа, Мэҥэ Хаҥаласка, Үөһээ Бүлүүгэ, Ньурбаҕа — иккилии, Нерюнгригэ, Бүлүүгэ уонна Дьокуускай куоракка — биирдии.
Ойуурга баһаартан куттала суох буолуу быраабылатын тутуһууга 17 866 инструктаж ыытыллыбыт, баһаары утары охсуһар ис хоһоонноох бэлиэтэнии (памятка) түҥэллибит уонна социальнай ситимнэргэ 4 758 иһитиннэрии тахсыбыт.
Ону тэҥэ 949 олохтоох ойуурга сылдьыы бобулунна, тыаҕа сырыыны хааччахтыыр 235 шлагбаум туруорулунна. Дьон-сэргэ ойуурга сылдьыытын хааччахтыырга 205 пост баар буолла.
Санатар буоллахха, Саха сиригэр регионнааҕы уонна федеральнай таһымнаах ыксаллаах быһыы-майгы эрэһиимнэрэ үлэлииллэр. Ону тэҥэ ураты баһаарынай эрэһиим үлэтэ салҕанар.Эрэһиим кэмигэр тыаҕа тырааныспарынан тахсыы, ойуурга сылдьыы, аһаҕас уоту оттуу бобуллар.
