СӨ үлэҕэ уонна социальнай сайдыыга министиэристибэтэ кэлэр Үлэ сылыгар логотип уруһуйугар күрэс биллэрбит. Бу куокурус ахсынньы 26 күнүттэн тохсунньу 10 күнүгэр диэри ыытыллар.
Бастыҥ уруһуйу бары информационнай-рекламнай бородууксуйаларга уонна интернет былаһааккатыгар туттуохтара. Куонкуруска 18 сааһыттан ким баҕалаах уонна айар бөлөхтөр кыттыахтарын сөп. Онно үстэн элбэҕэ суох үлэни тутуохтара, ону тэҥэ, логотип саха тылынан суруктаах буолуон сөп.
Сайаапкалары rcsz_mt@gov14.ru электроннай почтаҕа туталлар. Онно өҥнөөх уонна харалаах маҥан хаартысканы иккиэннэрин сыһыарыахха наада. Логотип ис хоһоонун быһаарар сурук 500-тэн элбэҕэ суох бэлиэнэн суруллар. Үлэлэр ааптарыскай буолаллара ирдэнэр.
Күрэс сыала – Үлэ сылыгар Саха сирин төрүт үгэһигэр уонна национальнай колоритыгар олоҕуран фирменнэй стиль олохтооһун уонна олохтоохтор талааннарын сайыннарыы. Ону тэҥэ, Үлэ сылыгар уопсастыба болҕомтотун тардыы.
Түмүгү 2023 сыл тохсунньу 17 күнүгэр биллэриэхтэрэ. Кыайыылаахха 50 000 солкуобай харчыны туттарыахтара.
