СӨ уопсастыбаннай балаататын бэрэссэдээтэлэ Николай Бугаев эппитинэн, Саха сирин олохтоохторо «Өлбөт үйэлээх полк» аахсыйаҕа үгэс быһыытынан сэлэлээн хаампакка кыттыахтарын сөп.
Холобур, бэтэрээннэр мэтириэттэрин таҥаска, социальнай ситимнэргэ эбэтэр массыынаҕа да иилиэххэ сөп.
«»Өлбөт үйэлээх полк» бу сылга түөрт форматынан тэриллэр. Бастакы — массыынанан сүүрүү, онно дьоруойдар хаартыскаларын иилиниэхтэрин сөп. Иккис формат — ким баҕалаах күн устата бэйэтин дьоруойун мэтириэтин таҥаһыгар ойуулаан кэтиэн сөп», — диэн Николай Бугаев эттэ.
Уопсастыбаннай балаата баһылыга бэлиэтээбитинэн, үһүс формат ол күн үлэлиир дьоҥҥо барсар.
«Ыам ыйын 9 күнэ баһаарынайдарга, суруналыыстарга, полиция үлэһиттэригэр уо.д.а. үлэ күнэ буолар. Кинилэргэ мэтириэттээх «бейдж» оҥостоллоругар сүбэлиибит. Төрдүс формат — видео-аккырыыкка оҥорон онлайн-аахсыйаҕа кыттыы. Онно дьоруой мэтириэттэрин хомуурунньуга оҥоһуллар. Ол хас биирдии федеральнай уокурукка туһунан буолуоҕа», — диэн эттэ.
«Өлбөт үйэлээх полк» сайтыгар бэтэрээннэр хаартыскаларын уонна докумуоннарын угуохтарын сөп.
