Саҥа дьыллааҕы бырааһынньыктарга Дьокуускайга оптуобустар графиктара уларыйыаҕа. Бу туһунан куорат дьаһалтатын пресс-сулууспата иһитиннэрэр.
Ол курдук, 2021 сыл тохсунньу 1-3 күннэригэр оптуобустар 20-30 мүнүүтэ арыттаах сылдьыахтара. Тохсунньу 4-10 күннэригэр өрөбүл күн графигынан сылдьыахтара.
«Бырааһынньыктарга хонтуруол күүһүрүөҕэ. Күүтүллүбэтэх быһыыны-майгыны сэрэтэр, ол иһигэр куорат уопсастыбаннай тырааныспарын үлэтигэр кэһии тахсыбатын туһугар оптуобустар интервалларын уонна маршрутка тахсыыларын хонтуруоллуур эппиэтинэстээх дьон ананна», – диэн «Союзавто» хампаанньа салайааччыта Андрей Косицкий эттэ.
Рейстэр хойутуур түгэннэригэр пассажирдар диспетчерскэй сулууспаҕа эрийиэхтэрин сөп: 42-48-14.
Оптуобустар сылдьар болдьохторун киин куорат дьаһалтатын сайтыгар көрүөххэ сөп.
