Тутулла тутар онкологическай кииҥҥэ үлэлиэхтээх исписэлиистэри бэлэмнээһин үлэтэ ыытыллар. Үөрэх, стажировка «Доруобуйа харыстабыла» национальнай бырайыак чэрчитинэн тэриллэр. Онкоцентрга экспертнэй кылаастаах оборудование паарката баар буолуоҕа, исписэлиистэри Москва, Санкт-Петербург, Томскай үөрэхтэрин кыһаларыгар үөрэтэллэр.
Саха сиригэр М.К. Аммосов аатынан университет мединститутун онкология хаапыдырата 2019 сыллаахтан 27 онколог-ординаторы бэлэмнээбит, 96 исписэлиис квалификациятын үрдэппит, 16 быраас билигин клиническэй ординатураҕа үөрэнэллэр.
Быйыл балаҕан ыйыгар 63 эдэр исписэлиис үлэтин саҕалаабыт, орортон 10 быраас уонна 53 орто, алын медицинскэй персонал. Ону таһынан, 2019-2022 сылларга дойду онкологическай кииннэригэр 144 киһи стажировка ааспыт, 23 киһи — тас дойдуларга.
