«Муус устар-2023» эдэр ыччат бэстибээлин чэрчитинэн «Саас» оҕо медиата 14-тэн үөһээ саастаах оскуола оҕолорун уонна орто үөрэх кыһатын устудьуоннарын форумҥа кытталларыгар ыҥырар.
Тэрээһин салайааччылар уонна медиа-кииннэр актыбыыстарын, эдэр кэрэспэндьиэннэр уонна киэҥ эйгэҕэ сонуну иһитиннэрэр, сырдатар оҕо түмсүүтүн уопуттарын үллэстэллэригэр аналлаах. Ону тэҥэ, форум оскуола оҕолоро суруналыыс эйгэтигэр үктэнэллэригэр туһалыаҕа.
Кыттааччылар сатабылларын сайыннарыахтара уонна өрөспүүбүлүкэ таһымыгар тахсар ааптарыскай медиапродукт оҥоруохтарын сөп.
Форумҥа кыттарга кулун тутар 5 күнэ бүтүөр диэри форманы көрөн сайаапка толорон, saasvideo@mail.ru электроннай почтаҕа «Форум детских медиа» диэн бэлиэтээн ыытыахха наада. Ону тэҥэ, тус уонна хамаанданан сайаапканы туталлар.
Кулун тутар 21 күнүттэн муус устар 5 күнүгэр диэри «Сосновый борга» бүтэһик түһүмэх ыытыллыаҕа. Кыттааччылар хамаанданан арахсан ааптарыскай медиа-бырайыак оҥорон таһаарыахтара.
Форум түмүгэ уонна кыайыылаахтары биллэрии кулун тутар 25 күнүгэр «Триумф» спорт уораҕайын сүрүн сыанатыгар буолуоҕа. Тэрийээччи: Николай Егорович Мординов — Амма Аччыгыйа аатынан «Кэскил» оҕо издательствота. Билсэр нүөмэр: 8-914-300-01-99, 8-4112-34-11-12.
