Төрөөбүт тыл уонна сурук-бичик күнүгэр «Саха» наицональнай көрдөрөр-иһитиннэрэр хампаанньа саайтыгар электроннай сахалыы-нууччалыы тылбаас тылдьыта үлэлээтэ. Тылдьыт ааптара радиоинженер идэлээх, техническэй билим хандьыдаата Василий Васильевич Мигалкин буолар.
Ол курдук, «Сахалыы-нууччалыы, итиэннэ төттөрү тылбаастыыр кыахтаах электроннай тылдьыт» диэн киэҥ хабааннаах сыыппара ресурсатын билиһиннэрэбит.
Сүрүн уратыта:
• Кээмэйэ: 102 000 тахса саха тыла;
• 4 500 000 тахса тыл оҥоһуутун холбоһуга (сэдэхтик туттуллар тыллары киллэрэн туран);
• төттөрү тылбаас (сахалыы ↔ нууччалыы).
Уратыта:
• бары туһанааччыларга босхо;
• туспа тыллары эрэ буолбакка, кинилэр холбоһуктарын үөрэтэр кыах;
• вэб-интерфейс нөҥүө онлайн киириэххэ сөп;
• сыыппара эйгэтигэр саха тылын чөл хаалларыыга уонна сайыннарыыга улахан суолталаах.
Бу ресурса туһалаах буолуоҕа:
• саха тылын үөрэтээччилэргэ;
• тыл үөрэхтээхтэригэр уонна чинчийээччилэргэ;
• түүр тыллаах омуктар бэрэстэбиитэллэригэр;
• тыл нэһилиэстибэтин чөл хаалларыыга интэриэстээхтэргэ барыларыгар.
Тылдьытынан бу сигэнэн киирэн, туһаныахха сөп: https://nvk-online.ru/tyldyt/
