Бүгүн Саха сирин Судаарыстыбаннаһын күнэ бэлиэтэнэр.
1990 сыллаахха балаҕан ыйын 27 күнүгэр Михаил Николаев салайааччылаах ХХII ыҥырыылаах Үрдүкү Сэбиэт Саха Өрөспүүбүлүкэтин судаарыстыбаннай
сүбэрэнитиэтин Декларациятын ылыммыта.
Дьоһун докумуон Саха Сирин Арассыыйа Федерациятын састаабыгар судаарыстыба быһыытынан биллэрбитэ, Саха Өрөспүүбүлүкэтин саҥа Конституциятын (Төрүт Сокуонун) оҥорууга, өрөспүүбүлүкэ бэрэсидьиэнин дуоһунаһын олохтуурга, Саха Өрөспүүбүлүкэтэ диэн ааттанарга төрүөт буолбута. Үгэс быһыытынан өрөспүүбүлүкэ үрдүнэн киэҥ далааһыннаах тэрээһиннэр ыытыллыахтара.
Күндү Сахабыт сирин дьоно-сэргэтэ! Уйгулаах олоҕу, төрөөбүт дойдубут сайдарын туһугар таһаарыылаах үлэни, ситиһиилээх үөрэҕи!
