Саха сирин соҕуруу өттүгэр сыл түмүгүнэн 49 мөлүйүөн туонна чоҕу хостуохтара. Бу туһунан Ил Дархан Айсен Николаев Анал туһаайыыга иһитиннэрдэ. Эльгатааҕы чоҕу хостуур сиргэ 38,5 мөлүйүөн кыамталаах 7 обогатительнай фабрика үлэҕэ кириэҕэ. Бу сыл сэтинньитигэр Тихоокеанскай тимир суолларын тутуу түмүктэнэн эрэр, таһаҕаһы тиэйиигэ Саха сирэ Охотскай муораҕа быһа тахсарыгар саҕахтары арыйыаҕа.
Ил Дархан өрөспүүбүлүкэҕэ промышленность үрдээһинэ дойду орто көрдөрүүтүн икки төгүл куоһарбытын уонна 11 ый түмүгүнэн 8,5% тэҥнэспитин иһитиннэрдэ. Алмаас, ниэп уонна айылҕа гааһын хостооһунугар дойду үрдүнэн ситиһиллибит таһым оннунан хаалар.
Саха сиригэр кыһыл көмүс хостооһунун промышленноһа төрүттэммитэ 100 сылыгар, өрөспүүбүлүкэ көмүс хостооһунугар дойду үрдүнэн иккис миэстэҕэ турар, 54 туонна көмүс хостонно.
Валовай региональнай бородуукта таһыма улаатар, 2024 сыл түмүгүнэн быһа барыллаан 3,2% үрдүөҕэ. Бу өрөспүүбүлүкэҕэ дохуот киириитин хааччыйарын, дьон олоҕун сайдыытыгар төһүү күүс буоларын өрөспүүбүлүкэ баһылыга тоһоҕолоото.
