«Саха сирэ — Дьоруойдар дойдулара» кадровай бырагыраамаҕа 583 кыттааччы – СВО байыастара уонна бэтэрээннэрэ.
Саха сирин бары муннуктарыттан, атын регионнартан сайаапкалар киирбиттэр.
Бу Аҕа дойдуну көмүскээччилэри өйүүр уонна кинилэр бэйэлэрин уопуттарын, күүстэрин-уохтарын, лиидэрдии хаачыстыбаларын төрөөбүт өрөспүүбүлүкэлэрин сайдарыгар туһаналларыгар тоҕоостоох бырагыраама буолар.
Кулун тутар 24 күнүттэн онлайн-тестирование ыытыллар, ол кэнниттэн хас биирдии кыттааччыны кытары кэпсэтиэхтэрэ. Сүүмэрдээһини ааспыттар бырагыраамаҕа үөрэнэ киириэхтэрэ.
«Бары кыттааччыларга ситиһиини баҕарабын! Эһиги саҥа дьыалаҕа Саха сирэ уонна Россия туһугар салгыы бэриниилээхтик, эр санаалаахтык, Кыайыы көтөллөөхтүк сулууспалыаххыт», — диэн Ил Дархан Айсен Николаев эттэ.
