2025 сыл бүтүөр диэри Саха сирэ хас да уонча «Якт-Сокол» квадроциклы өрөспүүбүлүкэттэн уонна Уһук Илинтэн сылдьар байыастарга ыытыаҕа.
Бу туһунан брифиҥҥэ СӨ гражданскай көмүскэлгэ миниистирэ Дмитрий Лепчиков иһитиннэрдэ.
Миниистир бэлиэтииринэн, өрөспүүбүлүкэҕэ квадроцикллары оҥорон таһаарыы кээмэйин улаатыннарар былааннанар.
«Ону тэҥэ Саха сиригэр байыастарга анаан «Патриотическая» ТОР федеральнай бырагырааматынан «Тимир Ат» электроматассыыкыллары уонна «Хотой» пилота суох көтөр тэриллэри оҥоруу салҕанар», – диэн кини эттэ.
Бу күннэргэ тэрилтэлэр, хампаанньалар, өрөспүүбүлүкэ олохтоохторо анал байыаннай дьайыы кыттыылаахтарыгар Саҥа дьыллааҕы бэлэхтэри, гуманитарнай көмөнү хомуйдулар, бу 20 туонналаах таһаҕаһы уонна тоҕус тиэхиньикэни ыытарга бэлэмнэр.
«Тырааныспар хампаанньалара бу таһаҕаһы муус суола арыллыытын кэннэ илдьэргэ бэлэмнэр. 2025 сыл бүтүөр диэри анал байыаннай дьайыы балаһатыгар аччаабыта биэс рейс оҥоһуллуоҕа. Сыл саҕаланыытыттан 39 рейс оҥоһуллан фроҥҥа 129 тырааныспар тиэрдилиннэ», – диэн Лепчиков бэлиэтээтэ.
Хаартыска: sakha.gov.ru
