Казахстаҥҥа Саха сирин күннэрин чэрчитинэн, Саха сирэ Казахстан Хотугу уобалаһын Акиматын кытта атыы-эргиэн, билим, социальнай-гуманитарнай тэрээһиннэргэ бииргэ үлэлэһии туһунан илии баттанна. Былырыын илии баттаабыт докумуоннара хардарыта өйдөһүү туһунан Меморандум буолара бэлиэтэнэр.
Саха сирин инвестициятын уонна туризмын тэрээһинигэр СӨ бастакы вице-премьерэ Джулустан Борисов уонна Хотугу-Казахстанскай уобалаһын Акимат аппаратын солбуйааччы Руслан Алишев бииргэ үлэлэһии туһунан докумуоҥҥа илии баттаатылар.
Бу докумуон атыы эргиэн ситимин, инвестиция уонна туризм эйгэтигэр тэрээһиннэри быһаарар. Ону таһынан үөрэх уонна билим эйгэтигэр чопчу былааннар бэлиэтэнэллэр.
Ону таһынан, докумуоҥҥа тыа хаһаайыстыбатыгар, ас-үөл уонна переработкалааһын бырамыысаланнаһыгар, доруобуйа харыстабылыгар уонна култуура эйгэтигэр бииргэ үлэлэһии былаана сурулла сылдьар.
