Ил Дархан Айсен Николаев уонна Калмыкия баһылыга Бату Хасиков атыы-эригэн уонна экономика, научно-техническай, социальнай, култуура уо.д.а. салааларга бииргэ үлэлэһии туһунан сөбүлэһии баттастылар.
«Биһиги араас эйгэҕэ уопсай интэриэстээхпит, национальнай быһыылаахпын уонна уратылаахпыт. Кэлэр биэс сыл өрөспүүбүлүкэлэрбит икки ардыларыгар бииргэ үлэлээһини бөҕөргөтүүгэ уонна кэҥэтиигэ олус таһаарыылаах буолуо диэн эрэнэбин», — диэн Айсен Николаев эттэ.
Докумуон өрөспүүбүлүкэлэр икки ардыларыгар кэккэ салааларга икки өрүттээх бииргэ үлэлэһиини кэҥэтиини учуоттуур. Ол иһигэр атыы-эргиэн хайысхатыгар, экономикаҕа, тутууга, тыа хаһаайыстыбатыгар, научна-техническэй үлэҕэ, доруобуйа харыстабылыгар, эдэр ыччат политикатыгар, спортка, урбааҥҥа, айылҕа харыстабылыгар уонна туризмы сайыннарыыга.
Сөбүлэһии чэрчитинэн «Ньиэп уонна гаас толору циклын бырассыастарын фабриката» үөрэтэр-эрчийэр комплексы тэрийии бырайыага оҥоһуллубут Миирнэй региональнай техническай колледжа Калмыкия ньиэп уонна гаас судаарыстыбаннай колледжын кытта алтыһыыны сайыннарыаҕа
Ону тэҥэ өрүттэр Юнеско иитинэн Дьокуускайга тэриллэр аан дойду норуоттарын эпостарын киинин бырайыагын чэрчитинэн тылы, култуураны уонна национальнай үгэстэри харыстааһын боппуруостарыгар бииргэ үлэлээһини былаанныыллар.
