Россия уонна Кытай 10-с ЭКСПО тэрээһинин чэрчитинэн Харбиҥҥа норуоттар икки ардыларынааҕы «Саха сирэ уонна Кытай провинциялара» диэн форум ыытылынна.
Тэрээһин сүрүн сыала — муниципалитеттар икки ардыларыгар бырааттыы сыһыаны бөҕөргөтүү. Форумҥа провинция губернатора Хэйлунцзян Лян Хуэйлин, тас дойду дьыалаларыгар министиэристибэ бэрэстэбиитэллэрэ, муниципалитеттар, Кытай уонна Саха сирин биисинэс уонна уопсастыбаннай түмсүүлэрэ кытыннылар.
Өрүттэр бииргэ үлэлэһиини дьүүллэстилэр, бырайыактар инникилэрин торумнаатылар. Күн бүгүн Саха сирин 19 муниципалитета Кытай 23 территориальнай тэриллиитин кытта бырааттыы сыһыаны олохтоото. Форумҥа икки өрүттээх саҥа сөбүлэҥ баттанна.
