ТОР «Патриотическая» федеральнай бырагыраама лиинийэтинэн Саха сирин оҥорон таһаарааччылара толору кээмэйдээхтик уонна туруоруллубут бириэмэҕэ «Якт-Сокол» квадроциклларын баартыйатын байыастарга тириэртилэр.
Бу туһунан брифиҥҥэ СӨ гражданскай көмүскэлгэ миниистирэ Дмитрий Лепчиков иһитиннэрдэ.
Кини бэлиэтииринэн, бу нэдиэлэҕэ анал байыаннай дьайыыга баар Саха сирин тирэх пуунугар 1,8 туонна гуманитарнай көмөлөөх уонна үс тиэхиньикэлээх фургон айаннаата.
«Сыл саҕаланыытыттан гуманитарнай таһаҕаһы таһыыга 19 рейс оҥоһулунна. 124 туонна гуманитарнай көмө, ол иһигэр Саха сирин олохтоохторо, тэрилтэлэрэ хомуйбут аадырыснай баһыылкалара, 45 тиэхиньикэ тириэрдилиннэ», — диэн Дмитрий Лепчиков эттэ.
Хаартыска: sakha.gov.ru
