Өрөспүүбүлүкэҕэ 139 киһи ыараханнык ыалдьа сытарын СӨ доруобуйа харыстабылын миниистирин эбээһинэһин толорооччу Лена Афанасьева иһитиннэрдэ.
«Медицинскэй тэрилтэлэр иһитиннэриилэринэн, бүгүҥҥү күҥҥэ Саха сиригэр 140 киһи ыараханнык ыалдьар, 37 киһи ИВЛ аппаратыгар холбонон сытар», — диэн кини эпидемиологическай балаһыанньа туһунан брифиҥҥэ эттэ.
Уустук балаһыанньа Муомаҕа, Өлүөхүмэҕэ, Сунтаарга, Уус Алдаҥҥа бэлиэтэнэр.
«Бүгүҥҥү күҥҥэ бу ыарыыны вакцина көмөтүнэн эрэ намтатыахха сөп. Биһиги коллективнай иммунитеты олохтуурга өрөспүүбүлүкэ нэһилиэнньэтин 80%-н олохтооҕо быһыы ылыахтаах», — диэтэ кини.
Сэтинньи 15 күнүгэр өрөспүүбүлүкэҕэ 534 тыһыынча доза вакцина кэллэ, быһыы бастакы компоненын 439 507 киһи ылла, Саха сирин 61 %-н улахан дьоно.
