2024 сылга Саха сиригэр Уһук Илиҥҥи тупсаран оҥоруу бырагыраама чэрчитинэн, 14 тиэргэни оҥоруохтара. Бу бырагыраама үлэтэ 2021 сылтан РФ Бырабыыталыстыбатын бэрэссэдээтэлин солбуйааччытын – Уһук Илиҥҥи Федеральнай Уокурукка Россия бэрэсидьиэнин боломуочуйалаах бэрэстэбиитэлин Юрий Трутнев көҕүлээһининэн ыытыллар.
Ол курдук, 2024 сылга «Уһук Илиҥҥи тиэргэнин тупсаран оҥоруу» бырайыагынан 14 тиэргэни тупсарарга 102 мөл. тахса солкуобай көрүллүбүтэ.
2023 сыл ахсынньытыгар сүүмэрдиир куонкуруска 49 өрөспүүбүлүкэ муниципальнай тэриллиититтэн 79 сайаапка киирбитэ. Ол түмүгүнэн, Дьокуускай куорат биэс тиэргэнэ уонна Алдан, Мииринэй, Нам, Нерюнгри, Аллараа Халыма, Өлүөхүмэ, Хаҥалас, Чурапчы тиэргэннэрэ тупсарыллар.
