«Облачная поликлиника» телемедицинскэй өҥө өрөспүүбүлүкэ 49 медицинскэй тэрилтэтин бииргэ түмтэ уонна 2022 сыл тохсунньутуттан быраастар биэс тыһ. тахса консультацияны биэрдилэр, бу өҥөнү 350 тыһ. киһи туһанна.
Телемедецинэ өҥөтө «быраас-көрдөрүнээччи» форматынан коронавирус пандемиятын кэмигэр 2020 сыл муус устар ыйыгар киирбитэ. Бу амбулаторнай эмтэнээччи сүһүөҕэ ноҕоруускаланарын үөскэппэтэҕэ уонна медицинскэй көмөҕө наадыйааччылары хааччыйбыта.
«Телемедицинскэй консультация — онлайн эрэһииминэн бырааска көрдөрүнүү. Быраас дистанционнай форманан боппуруостары ыйытар, ыарыһах туругун сыаналыыр, эмтэнэргэ сүбэлэри биэрэр. Телемедицинэ өрөспүүбүлүкэҕэ туһалааҕын дакаастаата, бу өҥөнөн уопсайа 350 тыһ. киһи туһанна. Салгыы телемедицинэ өҥөтүн сайыннарар былааннаахпыт», – диэн СӨ медицинскэй иһитиннэрэр-анализтыыр киин иһитиннэрэр технология дириэктэрин солбуйааччыта Гаврил Васильев эттэ.
Телемидицинскэй консультацияны суһаллык уонна хаачыстыбалаахтык оҥорорго 373 нэһилиэнньэ пуунугар ВОЛС ситимэ көмөлөстө. Салҕыы оройуоннарга уонна Арктикаҕа сибээс ханааллара тубустаҕына оройуон киин балыыһаларын холбуохтара.
