Өрөспүүбүлүкэҕэ коронавируһу утары 525245 киһи эбэтэр нэһилиэнньэ 73% улахан дьоно быһыы бастакы компоненын ылла. Бу туһунан өрөспүүбүлүкэтээҕи суһал штаб салайааччытын солбуйааччы Ольга Балабкина брифиҥҥэ иһитиннэрдэ.
«Коронавируһу утары вакцинация уонна ревакцинация туһатын, хааччахтыыр миэрэлэри: мааскалаах сылдьыы, бэйэ икки ардыгар тэйиччи сылдьыыны тутуһуу булгуччулаах», — диэн Балабкина бэлиэтээтэ.
Ахсынньы 30 күнүнээҕи туругунан, 574 киһи балыыһаларга эмтэнэр, ол иһигэр 502 киһи орто туруктаах, 60 киһи ыараханнык ыалдьар. Кинилэртэн 58 киһи быһыыны ылбатах. Реанимацияҕа билигин 12 киһи сытар.
Ыалдьыы ахсаана аҕыйаан эрэр да буоллар, Нерюнгригэ (14 түбэлтэ), Сунтаарга (16 түбэлтэ) бэлиэтэннэ. Бу балаһыанньаны суһал ыстаап хонтуруолга ылла.
Саха сиригэр пандемия саҕаланыаҕыттан 75 954 түбэлтэ бэлиэтэннэ, 20%-на оҕо, 96% ыалдьыбыт киһи быһыы ылбатах. Бүгүҥҥү күҥҥэ 72 358 киһи үтүөрбүт (95,3%).
