Үөһээ Бүлүү улууһугар 700 тыһыынча солкуобайдаах уот хаабылын уорууга икки эр киһини, полиция үлэһиттэрэ туттулар. Бу туһунан Дойду ис дьыалаҕа министиэристибэтин Саха сиринээҕи салаатын пресс-сулууспата иһитиннэрэр.
Биллибэт дьон, 200 миэтэрэ уот күүһүн биэрэр хаабылы энергетическэй предприятие сириттэн уорбуттара бэлиэтэнэр.
Уоруу буолбут күнүгэр буруйдаах дьон личностара олохтоммут, ол курдук 36, 37 саастаах Үөһээ Бүлүү олохтоохторун, уоруллубут хаабылы улуус тас өттүгэр таһаарар сорунууларыгар туттулар.
«Уорбаланар дьон уорууну эрдэттэн былааннаабыттар. Эр дьон түүн предприятие сиригэр киирэн, 200 миэтэрэ хаабылы мотуоктан быһан ылан, таһаҕас массыынатыгар тиэйэн, көстүүтэ суох саспыттар. Ол кэннэ, хаабылы сыбаалкаҕа аҕалан, тас араарыы бүрүөтүн умаппыттар», — диэн этиллибит.
Алтан боруобаты Дьокуускай куоракка таһааран атыылыыр санаалаахтара.
Россия кодексын «Уоруу» туһунан ыстатыыйанан, холуобунай дьыала көбүтүлүннэ. Уорбаланар дьоҥҥо ханна да барбат буолуу, сурутуу миэрэтэ ылылынна.
