Ахсынньы 6 күнүгэр өрөспүүбүлүкэҕэ үгэс буолбут норуоттар икки ардыларынааҕы Аҕа дойду Улуу сэриитин туһунан тест ыытыллыаҕа.
Аҕа дойду улуу сэриитэ хас биирдии норуокка, хас биирдии киһи сүрэҕэр оспот бааһы хаалларбыта. Бу сэрии ыар тыына үгүс үтүө дьону илдьэ барбыта, араас норуоту түмэ тарпыта. Ханнаах фашизмы самнарыы — үгүс норуот өрөгөйө буолар. Улуу Кыайыы 80 сылын көрсө Кыайыы тестын тэрийии дириҥ ис хоһоонноох.
Кытааччылар базовай уонна профильнай таһымҥа 40 боппуруоска эппиэттиэхтэрэ. Тести толоруу босхо, big-history.ru бырайыак сайтыгар киирэн эбэтэр өрөспүүбүлүкэ хас биирдии оройуонугар анал былаһааккаҕа толоруохха сөп.
Ол курдук, бүгүн 16.30 чааска Дьокуускайга «Россия — Моя история» историческай пааркаҕа очно тесты толоруохтарын сөп.
Аҕа дойду Улуу сэриитин туһунан тест 2015 сылтан саҕалаан ыытыллар. Бүгүҥҥү күҥҥэ уопсайа 50 мөлүйүөн кэриҥэ киһи кытынна.
Бырайыагы тэрийээччилэрэ Россия былааһын сокуон оҥорор уорганнарын иһинэн Ыччатп парламеннара буолаллар. Ол курдук, Саха сиригэр Ил Түмэн иһинэн ыччат парламена аахсыйаны тэрийэр.
