Өрөспүүбүлүкэ киинигэр бу күһүн аармыйаҕа сулууспаҕа барар уолаттарга алгыс тылын эттилэр. Бу туһунан НКИХ «Саха» иһитиннэрэр.
Бу тэрээһини байыаннай комиссариат хомуур пуунугар «Үс Түмсүү» уопсастыбаннай хамсааһын бэрэстэбиитэллэрэ тэрийдилэр. Ону таһынан, уолаттарга харысхаллары уонна өйдөбүнньүктэри туттардылар.
«Бу сыллата ыытыллар байыаннай сулууспаҕа ыҥырыллааччыларга алгыһы саллааттар үчүгэйдик сулууспалаан, төрөөбүт дойдуларыгар иэстэрин толороллоругар анаан тэрийэбит. Уолаттар, аармыйаҕа баран ытык иэскитин төлөөн, аармыйа олоҕо диэн хайдаҕын билэргит булгуччулаах», – диэн «Үс Түмсүү» уопсастыбаннай хамсааһын чилиэнэ Давид Архан эттэ.
Бу алгыс төһө көмөлөспүтүн туһунан уолаттар аармыйаттан кэлэн баран кэпсиэхтэрэ диэн эбэн эттэ.
Күһүҥҥү аармыйаҕа ыҥырыы хампаанньыйата ахсынньы 31 күнүгэр диэри ыытыллар.
