Саха сиригэр ааспыт сууккаҕа 102 киһи коронавирустаабыт. Бу туһунан вице-премьер, өрөспүүбүлүкэтээҕи суһал штаб салайааччытын солбуйааччыта Ольга Балабкина брифинг кэмигэр иһитиннэрдэ.
«Дьокуускайга – 62, Амма улууһугар түбэлтэ ахсаана элбээтэ, Мэҥэ Хаҥалас улууһугар коронавирус балаһыанньата тупсан эрэр», – диэн Ольга Балабкина эттэ.
Ол курдук, Дьокуускайга – 62, Аммаҕа – тоҕус, Мэҥэ Хаҥаласка – аҕыс, Бүлүүгэ – биэс, Горнайга, Чурапчыга, Хаҥаласка – үстүү, Кэбээйигэ, Нерюнгригэ, Уус Алдаҥҥа – иккилии, Алдаҥҥҥа, Миирнэйгэ уонна Намҥа биирдии киһи ыалдьыбыт.
Суукка устата өрөспүүбүлүкэ лабораториялара 732 коронавируска тести чинчийбиттэр. Пандемия туруоҕуттан ыла 1 120 693 тест оҥоһуллубут.
