Өрөспүүбүлүкэҕэ ааспыт сууккаҕа эбии 103 киһи коронавирустаабыт. Бу туһунан Саха сирин доруобуйа харыстабылыгар миниистирэ Елена Борисова иһитиннэрэр.
Дьокуускайга 54 саҥа түбэлтэ бэлиэтэммит, Алдаҥҥа, Өймөкөөҥҥө — биэстии, Хаҥаласка, Нерюнгригэ — түөрттүү, Мэҥэ Хаҥаласка, Аллараа Халымаҕа — үстүү, Миирнэйгэ, Уус Алдаҥҥа, Үөһээ Халымаҕа, Өлөөҥҥө, Сунтаарга, Чурапчыга — иккилии уонна Аммаҕа, Үөһээ Бүлүүгэ, Бүлүүгэ, Намҥа, Ньурбаҕа, Өлүөхүмэҕэ, Орто Халымаҕа, Тааттаҕа, Уус Майаҕа биирдии киһи коронавирустаабыт.
Суукка иһигэр өрөспүүбүлүкэ лабораториялара 2 408 коронавируска аналиһы чинчийбиттэр. Пандемия саҕаланыаҕыттан уопсайа 1 219 498 тест чинчийиллибит.
Елена Борисова этэринэн, Саха сиригэр кэлэр нэдиэлэҕэ коронавируһу утары эбии вакцина баартыйата кэлэр былааннанар.
