Өрөспүүбүлүкэҕэ ааспыт сууккаҕа эбии 117 киһи коронавирустаабыт. Бу туһунан өрөспүүбүлүкэтээҕи суһал штаб иһитиннэрэр.
Дьокуускайга 64 саҥа түбэлтэ бэлиэтэммит, Алдаҥҥа — алта, Миирнэйгэ, Нерюнгригэ — аҕыстыы, Тааттаҕа, Бүлүүгэ, Намҥа — түөрттүү, Өлөөҥҥө, Уус Алдаҥҥа — үстүү, Томпоҕо, Сунтаарга, Мэҥэ Хаҥаласка, Үөһээ Бүлүүгэ — иккилии, Аммаҕа, Ленскэйгэ, Ньурбаҕа, Өймөкөөҥҥө, Хаҥаласка биирдии киһи коронавирустаабыт.
Суукка иһигэр өрөспүүбүлүкэ лабораториялара 742 коронавируска аналиһы чинчийбиттэр. Пандемия саҕаланыаҕыттан уопсайа 1 249 659 тест чинчийиллибит.
