Саха сиригэр ааспыт сууккаҕа 14 ойуур баһаарын умуруордулар

Ааспыт сууккаҕа өрөспүүбүлүкэ үрдүнэн 14 ойуур баһаарын умуруордулар. Бу туһунан ЫБММ пресс-сулууспата иһитиннэрэр.
«Ааспыт сууккаҕа саҥа баһаардар үөскээбэтилэр, 14 эрдэ умайбыт баһаардар умуруорулуннулар. Үлэ түмүгүнэн баһаардар уопсай иэннэрэ 328,5 гектарынан кыччаата», — диэн иһитиннэриигэ этиллэр. Уоту умуруорууга 288 киһи, 40 тиэхиньикэ үлэлээтэ.
Билигин 17 га иэннээх баһаары Сунтаар улууһугар умуруора иликтэр.