Саха сиригэр ааспыт сууккаҕа 203 киһи коронавирустаабыт. Бу туһунан суһал штаб салайааччытын солбуйааччы Ольга Балабкина иһитиннэрдэ. «Дьокуускайга 117 киһи, 11 киһи Кэбээйигэ ыалдьыбыттар. Ньурбаҕа кырдьаҕастар дьиэлэригэр ковид туран, балаһыанньа ыарахан», — диир кини.
Алдаҥҥа, Мииринэйгэ алталыы, Горнайга, Мэҥэ Хаҥаласка, Өлүөхүмэҕэ биэстии, Бүлүүгэ, Нерюнгрига, Ньурбаҕа, Уус Алдаҥҥа түөртүү, Өймөкөөҥҥө, Сунтаарга, Чурапчыга үстүү, Аммаҕа, Үөһээ Бүлүүгэ, Эдьигээҥҥэ, Ленскэйгэ, Намҥа, Өлөөҥҥө, Тааттаҕа, Хаҥаласка иккилии, Аллайыахаҕа, Анаабырга, Булуҥҥа, Дьааҥыга, Орто Халымаҕа, Уус Маайаҕа, Усуйаанаҕа биирдии киһи ыалдьыбыт. Суукка устата 5362 анаалыс оҥоһуллубут. 3 киһи олохтон туораабыт.
