Өрөспүүбүлүкэҕэ ааспыт сууккаҕа эбии 224 киһи коронавирустаабыт. Бу туһунан өрөспүүбүлүкэтээҕи суһал штаб иһитиннэрэр.
Дьокуускайга 124 саҥа түбэлтэ бэлиэтэммит, Мэҥэ Хаҥаласка, Чурапчыга — тоҕустуу, Нерюнгригэ — аҕыс, Алдаҥҥа — сэттэ, Ленскэйгэ, Миирнэйгэ, Хаҥаласка — алталыы, Бүлүүгэ, Тааттаҕа — биэстии, Томпоҕо, Уус Алдаҥҥа — түөрттүү, Үөһээ Дьааҥыга, Намҥа, Өймөкөөҥҥө, Сунтаарга — үстүү, Аммаҕа, Булуҥҥа, Үөһээ Бүлүүгэ, Кэбээйигэ, Өлүөхүмэҕэ — иккилии, Аллайыахаҕа, Үөһээ Халымаҕа, Горнайга, Кэбээйигэ, Муомаҕа, Уус Майаҕа, Аллараа Халымаҕа, Ньурбаҕа биирдии киһи коронавирустаабыт.
Суукка иһигэр өрөспүүбүлүкэ лабораториялара 1 382 коронавируска аналиһы чинчийбиттэр. Пандемия саҕаланыаҕыттан уопсайа 1 490 238 тест чинчийиллибит.
