Өрөспүүбүлүкэҕэ ааспыт сууккаҕа эбии 231 киһи коронавирустаабыт. Бу туһунан өрөспүүбүлүкэтээҕи суһал штаб иһитиннэрэр.
Дьокуускайга 126 саҥа түбэлтэ бэлиэтэммит, Мэҥэ Хаҥаласка — тоҕус, Тааттаҕа — аҕыс, Алдаҥҥа, Бүлүүгэ, Ленскэйгэ, Миирнэйгэ — сэттэлии, Хаҥаласка, Сунтаарга, Нерюнгригэ, Үөһээ Дьааҥыга — биэстии, Уус Алдаҥҥа, Намҥа — түөрттүү, Аммаҕа, Үөһээ Бүлүүгэ, Аллараа Халымаҕа, Өлүөхүмэҕэ, Уус Майаҕа, Чурапчыга — үстүү, Үөһээ Халымаҕа, Горнайга, Томпоҕо — иккилии, Аллайыахаҕа, Булуҥҥа, Кэбээйигэ, Муомаҕа, Усуйаанаҕа, Орто Халымаҕа, Эбэн Бытантайга биирдии киһи коронавирустаабыт.
Суукка иһигэр өрөспүүбүлүкэ лабораториялара 5 230 коронавируска аналиһы чинчийбиттэр. Пандемия саҕаланыаҕыттан уопсайа 1 495 468 тест чинчийиллибит.
