Өрөспүүбүлүкэҕэ ааспыт сууккаҕа эбии 242 киһи коронавирустаабыт. Бу туһунан өрөспүүбүлүкэтээҕи суһал штаб иһитиннэрэр.
Ол курдук, Дьокуускайга 100 саҥа түбэлтэ бэлиэтэммит, Нерюнгригэ — 25, Алдаҥҥа — 17, Миирнэйгэ — 13, Хаҥаласка — 11.
Мэҥэ Хаҥаласка, Сунтаарга — уоннуу, Ньурбаҕа — тоҕус, Өлүөхүмэҕэ, Аммаҕа — аҕыстыы.
Ону тэҥэ Булуҥҥа, Ленскэйгэ, Намҥа — үстүү, Өймөкөөҥҥө, Томпоҕо, Уус Алдаҥҥа, Уус Майаҕа, Усуйаанаҕа — иккилии, Бүлүүгэ, Чурапчыга биирдии киһи коронавирустаабыт.
Суукка иһигэр өрөспүүбүлүкэ лабораториялара 4 230 коронавируска аналиһы чинчийбиттэр. Пандемия саҕаланыаҕыттан уопсайа 1 747 099 тест чинчийиллибит.
Хаартыска: ferra.ru
