Өрөспүүбүлүкэҕэ ааспыт сууккаҕа эбии 252 киһи коронавирустаабыт. Бу туһунан өрөспүүбүлүкэтээҕи суһал штаб иһитиннэрэр.
Дьокуускайга 126 саҥа түбэлтэ бэлиэтэммит, Алдаҥҥа, Мэҥэ Хаҥаласка, Намҥа — 12, Чурапчыга, Тааттаҕа, Ньурбаҕа, Бүлүүгэ — аҕыстыы, Өлүөхүмэҕэ — сэттэ, Уус Алдаҥҥа, Нерюнгригэ, Миирнэйгэ, Ленскэйгэ — алталыы, Кэбээйигэ, Сунтаарга — биэстии, Үөһээ Халымаҕа, Горнайга, Эдьигээҥҥэ, Уус Майаҕа, Хаҥаласка — үстүү, Орто Халымаҕа, Муомаҕа биирдии киһи коронавирустаабыт.
Суукка иһигэр өрөспүүбүлүкэ лабораториялара 2 860 коронавируска аналиһы чинчийбиттэр. Пандемия саҕаланыаҕыттан уопсайа 1 553 377 тест чинчийиллибит.
