Өрөспүүбүлүкэҕэ ааспыт сууккаҕа эбии 256 киһи коронавирустаабыт. Бу туһунан өрөспүүбүлүкэтээҕи суһал штаб иһитиннэрэр.
Дьокуускайга 135 саҥа түбэлтэ бэлиэтэммит, Мэҥэ Хаҥаласка — 13, Намҥа — 12, Алдаҥҥа, Миирнэйгэ — аҕыстыы, Аммаҕа, Уус Майаҕа — сэттэлии, Бүлүүгэ, Сунтаарга — алталыы, Кэбээйигэ, Өймөкөөҥҥө, Тааттаҕа, Хаҥаласка — биэстии, Үөһээ Дьааҥыга, Чурапчыга, Ленскэйгэ — түөрттүү, Нерюнгригэ, Горнайга, Булуҥҥа, Аллайыахаҕа — үстүү, Усуйаанаҕа, Орто Халымаҕа, Өлөөҥҥө, Муомаҕа биирдии киһи коронавирустаабыт.
Суукка иһигэр өрөспүүбүлүкэ лабораториялара 5 625 коронавируска аналиһы чинчийбиттэр. Пандемия саҕаланыаҕыттан уопсайа 1 544 845 тест чинчийиллибит.
