Өрөспүүбүлүкэҕэ ааспыт сууккаҕа 266 киһи эбии коронавирустаабыта бэлиэтэннэ. Бу туһунан суһал штаб иһитиннэрэр.
Ол иһигэр киин куоракка 118 киһи ыалдьыбыт, Нерюнгрига — 20, Алдаҥҥа — 16, Миирнэйгэ — 15, Мэҥэ Хаҥаласка — 11, Хаҥаласка — уон, Аммаҕа — сэттэ, Сунтаарга — биэс.
Ленскэйгэ уонна Намҥа тоҕус киһи коронавирустаабыт, Бүлүүгэ уонна Уус Алдаҥҥа — аҕыстыы, Үөһээ Бүлүүгэ уонна Ньурбаҕа — түөртүү, Эдьигээҥҥэ, Муомаҕа, Өлүөхүмэҕэ уонна Өлөөҥҥө — үстүү, Өймөкөөҥҥө уонна Томпоҕо — иккилии.
Абыйга, Булуҥҥа, Горнайга, Аллараа Халымаҕа, Уус Маайаҕа уонна Усуйаанаҕа биирдии киһи COVID-19-нан ыалдьыбыта бэлиэтэммит.
Суукка иһигэр өрөспүүбүлүкэ лабораторияларыгар 1 161 коронавируска чинчийии, ыарыы саҕаланыаҕыттан 1 691 800 тест оҥоһулунна.
