Ааспыт сууккаҕа өрөспүүбүлүкэҕэ эбии 395 киһи коронавирустаабыт, ол иһигэр Дьокуускайга — 193. Бу туһунан өрөспүүбүлүкэтээҕи суһал штаб иһитиннэрэр.
Мэҥэ Хаҥаласка 30 киһи коронавирустаабыт, Мирнэйгэ, Орто Халымаҕа — 25, Алдаҥҥа — 23, Намҥа — 19, Хаҥаласка — 16, Кэбээйигэ, Уус Маайаҕа — 11, Горнайга, Өлөөҥҥө — тоҕустуу, Эдьигээҥҥэ — сэттэ, Нерюнгригэ — биэс, Абыйга, Өймөкөөҥҥө — түөртүү, Үөһээ Бүлүүгэ уонна Бүлүүгэ — иккилии.
Суукка иһигэр өрөспүүбүлүкэ лабораториялара 631 коронавируска аналиһы чинчийбиттэр. Пандемия саҕаланыаҕыттан уопсайа 2 557 939 тест чинчийиллибит.
