Өрөспүүбүлүкэҕэ ааспыт сууккаҕа коронавирустаабыттар үксүлэрэ быһыы ылбатахтара бэлиэтэннэ. Бу туһунан өрөспүүбүлүкэтээҕи суһал штаб иһитиннэрэр.
«Уопсайа 251 түбэлтэттэн 247 ыарыһах быһыы ылбатаҕа бэлиэтэннэ (97%)», — диэн иһитиннэриигэ этиллэр.
Ону тэҥэ коронавируһунан 53 оҕо ыалдьыбыта быһаарылынна. Бу пандемия саҕаланыаҕыттан үрдүк көрдөрүү буолар.
Ахсынньы 1 күнүнээҕи туругунан, 1301 киһи балыыһаҕа эмтэнэр, 105 ыараханнык ыалдьар (102 киһи вакцинацияны ааспатах).
Ону таһынан, реанимацияҕа 17 ыарыһах билигин эмтэниини ааһар.
Суһал штаб иһитиннэриитинэн, уустук балаһыанньа Миирнэй (31 түбэлтэ), Өлүөхүмэ (19 түбэлтэ), Мэҥэ Хаҥалас (17 түбэлтэ) оройуоннарыгар бэлиэтэнэр.
