Үгэс буолбут балаҕан ыйын 1 күнүгэр аналлаах үөрүүлээх тэрээһин бастакы эрэ кылаастарга ыытыллыаҕа. Бу туһунан бэйэтин твиттер аккаунугар өрөспүүбүлүкэ бырабыыталыстыбатын бэрэссэдээтэлин эбээһинэһин толорооччу Андрей Тарасенко иһитиннэрдэ.
«Дьокуускайга балаҕан ыйын 1 күнэ бастакы эрэ кылаастарга ыытыллыаҕа. Оскуола оҕотун аһын боппуруоһугар тохтуур буоллахха, профилактика ирдииринэн, биирдэ туттуллар иһит туттуллуоҕа, эбэтэр иһит сууйар массыына», — диэтэ Андрей Тарасенко.
Маны тэҥэ, Дьокуускайдааҕы национальнай гимназия холобуругар, пандемия усулуобуйатыгар үөрэх дьылыгар бэлэмнэнии хаамыытыгар тохтоото.
«Оҕолор оскуолаҕа наарданыыларын схемата оҥоһулунна, өйдөнүмтүө, тэттик матырыйаал оҥорон төрөппүттэргэ уонна оҕолорго, линейкаҕа, сынньалаҥҥа, остолобуойга сылдьыы бэрээдэгин чуолкайдык өйдүүллэригэр анаан, тарҕатыллара хаалла», — диэтэ бэрэссэдээтэл.
