Чурапчы улууһун киинигэр дьон-сэргэ сүргэтин көтөҕөр сыалтан «Боотур Уус» стадиоҥҥа өрөспүүбүлүкэҕэ соҕотох саамай үрдүк хаар киһини институт үлэһиттэрэ уонна устудьуоннара оҥордулар. Бу туһунан НКИХ «Саха» иһитиннэрэр.
Хаар киһини оҥорорго маҥнай устудьуоннар уопсай идиэйэни өйөөбүттэр, ол кэнниттэн профсойуус бэрэссэдээтэлэ Виктория Капылова чилиэттэринээн сүбэлэһэннэр, стадион дириэктэрэ Василий Давыдов этиини өйөөннөр ааспыт нэдиэлэ оптуорунньугуттан оҥорон саҕалаабыттар.
«Хаар киһи үрдүгүн кээмэйэ биэс миэтэрэ. Профсойуус көҕүлээһининэн бу курдук үлэлэр, араас тэрээһиннэр ханнык баҕарар кэмҥэ ситимин быспакка бара тураллар. Сүрүн үлэтин Чурапчытааҕы судаарыстыбаннай физическэй култуураҕа уонна успуорка үнүстүүт төрүт көрүҥнэрин уонна ыспартыыбынай бэлэмнэнии кафедратын сэбиэдиссэйэ Василий Алексеев уонна стадион дириэктэрэ Василий Давыдов оҥордулар. Ону тэҥэ алта устудьуон уол көмөлөстө. Туох да тиэхиньикэ көмөтө суох барытын бэйэлээх бэйэбит илиибитинэн үлэлээтибит. Чурапчыбыт нэһилиэгин биир кыраһыабай көстүүтэ буоллун диэн устудьуоннары кытары оҥорордубут. Ким баҕарар кэлэн көрүөн, хаартыскаҕа түһүөхтэрин сөп», — диэн профсойуус бэрэссэдээтэлэ Виктория Капылова кэпсээтэ.
