Барыллаан дааннайынан, Саха сиригэр 97,3% боротокуолу аахпыттарын кэнниттэн 29 №-дээх соҕотох мандаттаах уокурукка Петр Шамаев 37,31% куоластаах бастаан иһэр. Бу туһунан Киин быыбардыыр хамыыһыйа иһитиннэрэр.
Иккис миэстэ — Федот Тумусов (17,10%), үһүс — Ньургуйаана Заморщикова (14,84%). Кинилэр кэннилэриттэн Айан Васильев (12,47%) уонна Анатолий Ноговицын (6,39%) иһэллэр.
Оттон федеральнай быыбардыыр уокурукка өрөспүүбүлүкэҕэ 92,3% боротокуолу аахтылар. «Единая Россия» баартыйа 43,35% куоластаах бастакы миэстэҕэ иһэр. Иккис миэстэ КПРФ (25,52%), үһүс — «Новые люди» (11,21%), салгыы «Справедливая Россия» — 7,35%, ЛДПР — 5,74%.
