Федеральнай уонна региональнай кэтээн көрүү официальнай дааннайынан, коронавируһунан ыалдьыы көрдөрүүтэ өрөспүүбүлүкэҕэ намтаан эрэрин бэлиэтээтэ. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Бу туһунан Ил Дархан @nikolaev_aisen коронавируһу утары өрөспүүбүлүкэтээҕи суһал штаб сүбэ мунньаҕар иһитиннэрдэ.
«Ол эрэн холкутуйар сатаммат, төттөрүтүн ыарыыны сэрэтэр үлэни күүһүрдэр наада», — диэтэ өрөспүүбүлүкэ салайааччыта.
Кэтээн көрүү түмүгүнэн, өрөспүүбүлүкэҕэ балыыһаҕа киирии, суһал линияҕа эрийэн кэлии, ыарахан туруктаах ыарыһах, ол иһигэр ИВЛ аппаратыгар сытар ыарыһах ахсаана аҕыйааһына бэлиэтэннэ.
Бүгүҥҥү туругунан, балыыһалар реанимация салааларыгар 101 киһи, ол иһигэр ИВЛ аппараатыгар холбонон 18, салгын аппараатыгар 83. Дьокуускайдааҕы куойка пуондата 74 %, өрөспүүбүлүкэ үрдүнэн — 67 % туолан турар.
