Инпиэксийэҕэ коллективнай иммунитеты олохтуурга 321 тыһыынчаттан тахса доза вакцина ирдэнэр. Бу туһунан өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ.
«Өрөспүүбүлүкэ нэһилиэнньэтин 60% саҥа корнавируснай инфекцияны утары вакцинанан хабарга билигин 321400 доза баар», — диэн кини бэйэтин Telegram суруйбут.
Кулун тутар 9 күнүнээҕи туругунан, өрөспүүбүлүкэҕэ 55 212 доза «Спутник V», уонна «ЭпиВаКорона»диэн препарат 1 200 дозата кэллэ. Кинилэри харайарга Саха сирин медучилищетыгар туһааннаах температуралаах 311 морозильник бэлэмнэннэ.
Вакцинация өрөспүүбүлүкэ 44 тэрилтэтин 156 пуунугар, 110 мобильнай биригээдэ тэриллэн үлэлиир. Быһыыны оҥорор хампаанньаны тэрийиигэ 570 медицинскэй үлэһит хабылынна.
