Ааспыт сууккаҕа Саха сиригэр эбии 200 киһи коронавирустаабыта бигэргэннэ. Бу туһунан бүгүн, ахсынньы 21 күнүгэр вице-премьер, өрөспүүбүлүкэтээҕи суһал штаб салайааччытын солбуйааччыта Ольга Балабкина эпидемиологическай балаһыанньа туһунан брифинг кэмигэр иһитиннэрдэ.
Ол курдук, Дьокуускайга 90 саҥа түбэлтэ бэлиэтэннэ, Алдаҥҥа — 13, Мэҥэ Хаҥаласка — 12, Миирнэйгэ — 11, Нерюнгрига — тоҕус, Аммаҕа — сэттэ, Бүлүүгэ — алта, Ньурбаҕа — биэс, Горнайга, Кэбээйигэ, Ленскэйгэ уонна Аллараа Халымаҕа — түөртүү, Аллайыахаҕа, Үөһээ Бүлүүгэ, Эдьигээҥҥэ, Муомаҕа уонна Намҥа — үстүү, Дьааҥыга, Өлүөхүмэҕэ, Өлөөҥҥө, Сунтаарга уонна Уус Алдаҥҥа — иккилии, Үөһээ Халымаҕа, Өймөкөөҥҥө, Тааттаҕа, Томпоҕо, Уус Майаҕа уонна Усуйаанаҕа биирдии киһи ыарыйда.
Түөрт коронавирустаабыт киһи тыына быһынна.
Бүтэһик суукка устата өрөспүүбүлүкэ лабораториялара 2 140 коронавируска аналиһы чинчийдилэр. Пандемия саҕаланыаҕыттан барыта 844 227 тест чинчийилиннэ.
