Ааспыт сууккаҕа Саха сиригэр эбии 201 киһи коронавирустаабыта бигэргэннэ. Бу туһунан өрөспүүбүлүкэтээҕи суһал штаб иһитиннэрэр.
Дьокуускай куоракка 115 саҥа түбэлтэ бэлиэтэннэ, Миирнэйгэ — аҕыс, Алдаҥҥа, Кэбээйигэ уонна Нерюнгригэ — алталыы, Үөһээ Бүлүүгэ, Бүлүүгэ, Өймөкөөҥҥө уонна Өлүөхүмэҕэ — биэстии, Ньурбаҕа уонна Чурапчыга — түөртүү.
Аллайыахаҕа, Аммаҕа, Ленскэйгэ, Мэҥэ Хаҥаласка уонна Уус Алдаҥҥа үстүү киһи ыарыйда, Анаабырга, Булуҥҥа, Дьааҥыга, Горнайга, Эдьигээҥҥэ, Сунтаарга, Усуйаанаҕа уонна Хаҥаласка — иккилии. Орто Халымаҕа биир киһи ыарыйда.
Икки коронавирустаабыт киһи тыына быһынна.
Бүтэһик суукка иһигэр өрөрспүүбүлүкэ лабораторияла 6 297 коронавируска аналиһы чинчийдилэр. Пандемия саҕаланыаҕыттан уопсайа 674 843 тест чинчийилиннэ.
