Ааспыт сууккаҕа Саха сиригэр эбии 203 киһи коронавирустаабыта бигэргэннэ, ол иһигэр 21 киһи ыарыы сибикитэ суох. Бу туһунан өрөспүүбүлүкэтээҕи суһал штаб иһитиннэрэр.
Ол курдук, Дьокуускайга 71 саҥа түбэлтэ бэлиэтэннэ, Бүлүүгэ — 29, Миирнэйгэ — 18, Мэҥэ Хаҥаласка — 14, Нерюнгрига — 13, Алдаҥҥа — 12, Тааттаҕа — аҕыс, Уус Майаҕа — алта, Уус Алдаҥҥа — биэс, Ленскэйгэ — түөрт, Аммаҕа, Дьааҥыга, Эдьигээҥҥэ уонна Намҥа — үстүү, Кэбээйигэ, Ньурбаҕа уонна Чурапчыга — иккилии, Булуҥҥа, Өлүөхүмэҕэ, Өлөөҥҥө, Томпоҕо уонна Хаҥаласка — биирдии киһи коронавирустаабыт.
Бүтэһик суукка устата өрөспүүбүлүкэ лабораториялара 2 374 коронавируска анаалиһы чинчийбиттэр, пандемия саҕаланыаҕыттан барыта 863 453 тест чинчийиллибит.
