Тыа хаһаайыстыбатын өйөөн, сылгыны, сүөһүнү иитииннэн дьарыктанар дьоҥҥо көмөлөһөн эбиэс, комбикорм уонна гранулированнай оту өрөспүүбүлүкэҕэ аҕалтарыахтара. Бу туһунан СӨ бырабыытылыстыбатын уонна баһылыгын дьаһалтатын пресс-сулууспата иһитиннэрэр.
Регионнааҕы тыа хаһаайыстыбатын министиэристибэтэ бу нэдиэлэ бүтүөр диэри үлэ былаанын оҥоруохтаах. Маны тэҥэ, оту бэлэмнээһиҥҥэ ыарахатары көрсүбүт улуустарга бу нэдиэлэ түмүктэниэр диэри харчынан көмөлөһөргө регион салайааччыта дьаһалын туруорда.
Кэбээйигэ, Үөһээ Дьааҥыга, Үөһээ Бүлүүгэ, Ньурбаҕа, Бүлүүгэ, Горнайга ардах халааныттан сылтаан оттуурга ыарахаттары көрүстүлэр, Чурапчы улууһа — кураантан. Бу мантан сибээстээн өрөспүүбүлүкэ иһигэр оту тиэйэргэ атын оройуоннары эбии оттуулларыгар сорудахтаата.
Өрөспүүбүлүкэ мобильнай биригээдэлэри тэрийиигэ 80 мөлүйүөн солк. анаата. Түөрт оройуоҥҥа түҥэтиллибит харчы тиэрдилиннэ, атыттар бу нэдиэлэ устата ылыахтара.
